ຈີນ ສຳເລັດການເກັບຊື້ທັນຍາຫານ ໃນລະດູໃບໄມ້ຫຼົ່ນປີ 2023 ຫຼາຍກວ່າ 80%
ອົງການທັນຍາຫານ ແລະ ຄັງສຳຮອງແຫ່ງຊາດຈີນ ເປີດເຜີຍໃນວັນທີ 22 ມີນາ 2024 ຜ່ານມານີ້ໃຫ້ຮູ້ວ່າ: ນັບມາຮອດປັດຈຸບັນ,
ວຽກງານເກັບຊື້ທັນຍາຫານໃນລະດູໃບໄມ້ຫຼົ່ນປີ 2023 ຂອງທົ່ວປະເທດໄດ້ສຳເລັດຫຼາຍກວ່າ 80% ແລ້ວ, ປະລິມານການເກັບຊື້ທັນ
ຍາຫານມີຫຼາຍກວ່າ 170 ລ້ານໂຕນ. ອີງຕາມການຈັດວາງວຽກງານຂອງອົງການທັນຍາຫານ ແລະ ຄັງສຳຮອງແຫ່ງຊາດຈີນສະແດງໃຫ້
ເຫັນວ່າ, ປີ 2023, ຄັງສຳຮອງທັນຍາຫານຢູ່ 30 ແຂວງ ແລະ ເຂດແຄວ້ນຂອງຈີນ ໄດ້ຈຳໜ່າຍເກັບຊື້ຜ່ານເວທີຊື້ຂາຍທັນຍາຫານແຫ່ງ
ຊາດຫຼາຍກວ່າ 40 ລ້ານໂຕນ, ເພີ່ມຂຶ້ນເກືອບ 3 ລ້ານໂຕນເມື່ອທຽບໃສ່ໄລຍະດຽວກັນຂອງປີ 2022, ທຽບໃສ່ປີ 2021 ເພີ່ມຂຶ້ນ 84%,
ລະດັບຕິດຕາມ ແລະ ຄຸ້ມຄອງການຈັດຊື້ ແລະ ຈຳໜ່າຍທັນຍາຫານຢູ່ຄັງສຳຮອງຂອງ ທ້ອງຖິ່ນໄດ້ເພີ່ມສູງຂຶ້ນຢ່າງບໍ່ຢຸດຢັ້ງ.
ປັດຈຸບັນ, ອົງການທັນຍາຫານ ແລະ ຄັງສຳຮອງແຫ່ງຊາດຈີນ ພວມຊີ້ນຳຊາວກະສິກອນຂາຍທັນຍາຫານໃຫ້ແກ່ລັດຖະບານຢ່າງເປັນ
ລະບຽບຮຽບຮ້ອຍ. ຄາດວ່າວຽກງານເກັບຊື້ທັນຍາຫານໃນລະດູໃບໄມ້ຫຼົ່ນປີ 2023 ຈະສຳເລັດໃນທ້າຍເດືອນເມສານີ້.
ແຫຼ່ງທີ່ມາ: ໜັງສືພິມກອງທັບ
ວັນທີ 27/03/2024